Con música, e máis en concreto coa do grupo Bátega, comeza o acto lúdico-festivo “pola recuperación dos servizos municipais” que celebraba na tarde do 20 de maio Riada Cidadá no salón de actos do edificio multiusos do Barco. Comezaba e pechábase cun monólogo musical da man do grupo Bátega. No medio tiña lugar unha conferencia-coloquio na que interviña o candidato á alcaldía de Riada Cidadá no Barco, o historiador Félix García Yáñez.