Publicidade
PolíticaÚltima hora

Acto público do BNG en Viana do Bolo

 

O entorno do emblemático entorno da torre do castelo de Viana do Bolo era o lugar escollido para o acto público que o BNG celebraba ás 20h. deste martes 7 de xullo nesta vila. Era o alcalde vianés, Secundino Fernández, quen abría o turno de intervencións, no que tomaban a palabra tres dos membros da lista coa que a formación nacionalista concurre pola provincia de Ourense ás vindeiras eleccións galegas do 12 de xullo.

O rexedor vianés sinalaba os “numerosos motivos polos que as lexislaturas de Feijoo sempre olvidan ao rural”, e de forma máis específica no que atinxe ao concello de Viana do Bolo, destacando as eivas que veñen sufrindo os sectores agro-gandeiro, forestal e de estruturas e vías de comunicación, entre outros.

Seguidamente tomaban a palabra, por esa orde, Raquel Fernández da Gudiña (número 13 da lista), o tenente de alcalde de Verín, Diego de Lourenzo (número 4) e o avogado ourensán Iago Tabarés (número 2 da candidatura).

Raquel Fernández afirmaba que nos venden a chegada do AVE coma a panacea, pero non o é”, apelando igualmente ao non desmantelamento dos servizos nas zonas rurais, e chamou a votar para un cambio necesario.

Diego Lourenzo destacaba a importancia da forza do pobo como motor de cambio, algo que xa se comprobou coa mobilización popular en Verín contra o peche do paridoiro, “pechado por Feijóo e recuperado pola xente da comarca”.

Finalmente, durante a intervención do número dous da candidatura por Ourense, Iago Tabarés, este sinalou a soberanía do pobo galego para decidir que o 12 de xullo Galiza teña unha presidenta nacionalista, e salientou os recursos do país e o traballo das parlamentarias. Tabarés referiuse a Pontón coma “a mellor presidenta que merece o noso país, unha presidenta do medio rural e feminista”.

Fotos cedidas.

 

De esquerda a dereita: Iago Tabarés (candidato), Raquel Fernández (candidata), Diego Lourenzo (candidato), Secundino Fernández (alcalde de Viana), Graciela Diéguez (concelleira de Cultura de Viana).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close