Despois de catro etapas de competición (entre Madrid e Sahagún), os ciclistas inscritos na Gaes Pilgrim Race comezaban onte, 20 de xullo, a primeira das tres etapas de experiencia (marcha) que os levará dende Sahagún ata Santiago de Campostela pola ruta xacobea do Camiño de Inverno.
A segunda destas etapas non competitivas, partía esta mañá (20 de xullo) de Astorga e remata na área recreativa do Bañadoiro en Vilamartín de Valdeorras, onde os ciclistas descansarán e pasarán a noite antes de emprender a sétima etapa rumbo a Lalín.
A primeira en chegar á meta instalada na zona deportiva vilamartinesa, pasadas as 14h. era María José Navarro. Xa de tarde entraban en meta a concelleira de Deportes de Vilamartín, Eva Arias e César e pouco despois facíao o actor e presentador Santi Millán.
Entre as actividades previstas para agasallar aos participantes desta proba haberá unha actuación do Folión Os viticultores, prevista para as nove e media, ademais dunha queimada con conxuro incluído.
Fotos: Mónica G. Bellver agás a última da galería que é do Concello de Vilamartín.