Do 4 ao 6 de novembre unha ducia de adegas ruesas participarán no XV Salón do Viño e da Aceituna de Extremadura (Iberovinac), que se desenvolverá en Almendralejo. Esta presenza enmárcase na colaboración establecida entre esta cidade extremeña e A Rúa como localidades irmanadas xa dende hai máis dunha década.
Así ata a Almendralejo viaxarán as adegas Alán de Val, A Coroa, Joaquín Rebolledo, Melillas, a Cooperativa da Rúa, Adega da Pinguela, Viña Somoza, Viña Fornos, Galgueira, Aristegui, Fragamoura e Quinta da Peza.
A participación, promovida dende o Concello da Rúa, permitirá dar a coñecer neste certame a singularidade dos viños da Denominación de Orixe Valdeorras. A entidade local quixo aproveitar esta oportunidade e ofrecerlla aos seus adegueiros a partir da experiencia obtida o ano pasado, cando varios importadores solicitaron información dos godellos e mencías valdeorreses no stand promocional que tiña o Concello da Rúa no salón extremeño.
Esta XV Iberovinac comenzará o 4 de novembre cunha xornada adicada a expertos nacionais e, ao día seguinte, aos importadores. Nesta edición espérase contar coa asistencia de máis de 18 importadores de Europa, América, sudeste asiático África.
