EconomíaEconomíaGalerías de fotosÚltima horaViticultura

Adentrándose no mundo do enoturismo, en Valdeorras

Os vinte alumnos que asisten ao curso que se imparte dende o 11 de xuño en AEVA están a realizar diversas saídas técnicas pola comarca

Para coñecer e comprender como funciona o mundo do turismo ligado ao viño o mellor é achegarse ás actividades deste sector que xa están en marcha. De aí que o curso de enoturismo que se imparte dende o 11 de xuño no Centro de Formación de AEVA no Barco estea complementando as sesións teóricas, dirixidas pola sumiller Mercedes González, con diversas saídas técnicas pola comarca.

Os seus 20 alumnos visitaban o día 13 un establecemento de hostalaría valdeorrés, como é o Hotel Restaurante A Calzada de Arcos (Vilamartín), coñecendo a súa actividade en relación co sector do viño, e despois percorrían tres das covas desta localidade, que conta cunha celebración en xullo que pon en valor estas antigas adegas soterradas. Nela sae a figura de “San Godellín”.

Xa na tarde dos 14 de xullo achegábanse ata a sede do Consello Regulador da Denominación de Orixe Valdeorras, onde descubrían, da man do se director técnico, Jorge Mazaira, as características desta zona produtiva e realizaban unha cata para coñecer as singularidades dos seus viños. Este curso continuará ata o vindeiro 21 de xuño.

Fotos cedidas por Mercedes González.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close