O vindeiro 25 de maio comezará a aplicarse o novo regulamento europeo de protección de datos, unha normativa que afectará de cheo ás empresas. Co fin de explicar as implicacións e os cambios que suporá este regulamento e a responsabilidade penal das persoas xurídicas (UNE 19601), a Asociación Empresarial de Valdeorras (AEVA) vén de organizar unha xornada na tarde do 22 de marzo no Barco.
Neste acto participaban como ponentes Javier Rodríguez Fernández, que se adica á asesoría e empresas en Dereito Mercantil, e Modesto Martínez Zúñiga, experto no ámbito penal.
Fotos: Carlos G. Hervella.
