EconomíaEconomíaÚltima hora

AEVA asina un convenio con Abanca

 O documento rubricado permitirá financiar investimentos para apoiar a modernización e a competitividade das empresas da zona de Valdeorras

 

Nesta mañá de 5 de febreiro a Asociación Empresarial de Valdeorras (AEVA) e Abanca veñen de asinar no Barco un convenio de colaboración “aposta polo crecemento dun dos focos de emprego e riqueza da provincia”, segundo a entidade bancaria.

O acordo era rubricado pola presidenta de AEVA, Araceli Fernández del Palacio, polo director de zona de ABANCA en Ourense Este, Diego Daniel Fernández Borrajo, e polo director da oficina de Abanca O Barco de Valdeorras, José Vicente García Méndez.

Con este documento o banco pon a disposición das empresas do Barco de Valdeorras un plan de financiamento que responde de maneira integral ás súas necesidades. Inclúe “produtos e servizos que permiten tanto acometer investimentos, como reforzar a competitividade destes proxectos. Así, os empresarios desta comarca contarán con produtos especificamente deseñados, entre os que destacan préstamos persoais e hipotecarios ou leasing mobiliario, con amplos prazos de amortización, posibilidade de carencias e xuros moi competitivos”, segundo Abanca.

O colectivo terá á súa disposición outros produtos e servizos como pólizas de crédito, liñas de desconto comercial, avais, corfirming ou factoring segundo as súas necesidades. O convenio tamén reserva un espazo á internacionalización grazas ás liñas de comercio exterior e ao financiamento oficial a través de diversos programas do ICO e as SGR galegas.

Do mesmo xeito, os empresarios asociados poderán desfrutar, entre outros servizos, das vantaxes do Programa Cero Comisións de ABANCA, que permite deixar de pagar polo mantemento das contas e tarxetas, pero tamén polas transferencias, ingreso de cheques ou outros servizos habituais.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close