EconomíaEconomíaViticultura

AEVA reúnese co alcalde do Barco para falar sobre infraestruturas

No encontro abordábanse unha serie de proxectos de interese para o sector empresarial e para a comarca de Valdeorras
Imaxe deste encontro entre AEVA e o rexedor barquense.

Representantes da Asociación Empresarial de Valdeorras (AEVA), entre eles a súa presidenta, Araceli Fernández, e a súa xerente, Luisa López; mantiñan unha reunión co alcalde do Barco, Alfredo García, no mediodía do 19 de outubro. Durante o encontro analizábanse diversas cuestións de interese para o sector empresarial e para a comarca no seu conxunto.

Así analizábanse as útimas novas recibidas “en relación co estado do proxecto da autovía A-76 no subtramo O Barco-A Veiga de Cascallá, a circunvalación do Barco, a inclusión no corredor atlántico ferroviario da liña A Coruña-Vigo-Ourense-Monforte-Valdeorras-Ponferrada-León-Venta de Baños, e a necesidade de buscar vías de colaboración para propiciar o desenvolvemento turístico da comarca”.

Tanto os empresarios como o alcalde barquense coincidían na importancia de “seguir reclamando a axilización dos trámites para licitar o subtramo da A-76 que no momento actual está máis avanzado, así como a inminente licitación da execución da obra da circunvalación, cuxo proxecto está totalmente rematado”, segundo facían público os participantes na reunión.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close