EconomíaEconomíaÚltima hora

AEVA reúnese coa deputada socialista Rocío de Frutos

Vén de plantexarlle cuestións en materia de infraestruturas, así como as demandas do posto principal da Garda Civil para Valdeorras e dunha unidade de estranxeiría e documentación
A deputada socialista Rocío de Frutos./ Foto: Carlos G. Hervella.

Representates da Asociación Empresarial de Valdeorras (AEVA) mantiñan o 20 de xullo unha reunión coa deputada socialista por Ourense non Congreso, Rocío de Frutos. Nela plantexábanlle “as demandas máis urxentes na comarca” e solicitábanlle a súa intermediación ante os distintos responsables do Goberno central”, tal e como se indica dende a organización empresarial.

Entre as cuestións abordadas estaban as partidas consignadas nos orzamentos xerais do Estado do 2018 para a autovía A-76 e a circunvalación do Barco, o enlace da N-120 na Rúa a rehabilitación do firme da estrada N-120. Os empresarios insistíanlle á deputada na necesidade de que “se executen as partidas consignadas, a pesar de restar poucos meses no exercicio orzamentario do 2018”.

Tamén se lle trasladaba a preocupación existente polo “deficiente estado da N-120” e pedíaselle apoio para conseguir “a implantanción dun posto principal da Garda Civil en Valdeorras”, tendo en conta que xa existe en localidades como Verín e O Carballiño. Tamén se lle solicitaba a súa intervención para “conseguir que unha unidade de estranxeiría e documentación” se implante na comarca.

 

A presidenta de AEVA, Araceli Fernández./ Foto: Carlos G. Hervella.

Dende AEVA sinálase que Rocío de Frutos “entendeu as demandas plantexadas, destacando a necesidade de axilizar a tramitación dos tramos da A-76 que se encontran máis avanzados, comprometéndose a xestionar unha entrevista co secretario de Estado de Infraestruturas para o mes de setembro”. No referente ás outras demandas plantexadas, “propón unha entrevista co recén nomeado subdelegado do Goberno en Ourense”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close