EconomíaEconomíaÚltima hora

AGA celebrará Día Mundial das Abellas cun concurso infantil e cun curso de apicultura

 

Con motivo da celebración o vindeiro 20 de maio do Día Mundial das Abellas, AGA (Asociación Galega de Apicultura) prepara, como cada ano, diversas actividades. “Nesta ocasión, ante a imposibilidade de facelo de forma presencial”, esta entidade decidiu convocar igualmente ao público infantil “a participar na celebración pero a distancia, enviando un debuxo sobre a importancia das abellas, que será publicado no facebook da asociación durante o Día Mundial das Abellas. E como recompensa, os participantes poderán visitar o museo O Enredo do Abelleiro en Arzúa coa súa familia de balde e recibir un agasallo con produtos das abellas, para o cal AGA contará coa importante colaboración do Museo O Enredo do Abelleiro e a cooperativa Erica Mel “.

Ademais, neste mes de maio AGA organizará un curso básico de apicultura online dirixido a persoas que queiran iniciarse ou actualizar coñecementos, que incluirá tamén prácticas presenciais durante o verán.

Debido á cancelación do programa de formación proposto para esta primavera, preparouse este formato alternativo para poder seguir ofertando esta formación tan demandada tódolos anos. O curso combinará a teoría online, a partir do 27 de maio cun mes de duración, e prácticas en apiarios durante o verán, nas que se seguirán as pautas indicadas polas autoridades sanitarias para protexerse ante o COVID-19. O prazo para inscribirse remata o 22 de maio.

Máis información na web de AGA www.apiculturagalega.es.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close