EconomíaEconomíaÚltima hora

Agrobiotech concentra na Tecnópole a un total de 200 empresas en dúas xornadas

Un total de 200 empresas dos sectores biotecnolóxico, agroalimentario e da biomasa déronse cita neste encontro ao que acudiu tamén o conselleiro de Economía, Francisco Conde
Inauguración de Agrobiotech.

O Parque Tecnolóxico de Galicia (Tecnópole), ubicado la localidade de San Cibrao das Viñas, acolleu hoxe, 26 de outubro, o II Encontro Agrobiotech Innovación que se celebra ata mañá.

O conselleiro de Economía e Industria, Francisco Conde, acudiu a esta primeira xornada na que destacou que as empresas que participan en Agrobiotech “axudan a contar cunha Galicia innovadora e competitiva”.

O conselleiro sinalou a importancia desta aceleradora “por ser un programa específico para empresas xa constituídas que desenvolven a súa actividade en tres sectores que Galicia está a impulsar co obxectivo de abrir novos camiños e oportunidades á vez que se apoian os recursos naturais para ofrecer un produto de calidade e innovador que diferencie a Marca Galicia”. Trátase dos sectores biotecnolóxico, agroalimentario e da biomasa.

Conde explicou que Agrobiotech apoia pemes destes ámbitos co obxectivo de que medren, se internacionalicen, innoven, creen emprego e riqueza e, así, Galicia poida contar cun tecido empresarial máis forte e competitivo.

Francisco Conde cun dos expositores nesta cita.

Durante estas dúas xornadas, máis de 200 empresas destes sectores daranse cita neste congreso multisectorial para captar novos clientes, establecer contactos e identificar e coñecer socios comerciais, industriais e financeiros. Francisco Conde asegurou que esta é unha boa ocasión “para xerar oportunidades de negocio grazas ao espazo networking que o encontro ofrece”. Ademais, haberá relatorios para que os asistentes poidan coñcer tendencias de interese.

En concreto, os asistentes terán a ocasión de coñecer e experimentar os produtos e servizos innovadores de 27 empresas. Participan algunhas das compañías que forman parte do proceso de aceleración de Agrobiotech con produtos como o chourizo de cabaza, a cervexa de sabugueiro, os untables e cremas de vexetais e froitas, pellets optimizados e ferramentas innovadoras de diagnóstico clínico, ademais doutras empresas galegas que comercializan cosméticos ecolóxicos fabricados con algas, licores elaborados con estrugas ou biofertilizantes. Durante estes días, ademais haberá 134 reunión bilaterias e roldas rápidas de presentación das empresas de Agrobiotech e de varios proxectos galegos dos tres sectores de referencia financiados polo Programa Operativo de Cooperación Transfronteiriza España-Portugal (POCTEP).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close