ConcellosÚltima hora

Agustín Hernández achégase ata Valdeorras

O conselleiro de Medio Ambiente visitou o centro de viabilidade invernal ubicado na Rúa e o parque natural da Serra da Enciña da Lastra en Rubiá
O conselleiro na Serra da Enciña da Lastra (Rubiá)./ Foto: Carlos G. Hervella
O conselleiro na Serra da Enciña da Lastra (Rubiá)./ Foto: Carlos G. Hervella

A Xunta de Galicia vén de activar o Plan de Viabilidade Invernal para garantir as condicións de circulación en case 5.500 quilómetros da rede autonómica de estradas (1.035,21 na provincia de Ourense), que estará operativo ata o 30 de abril de 2014.

Durante a visita ao centro ubicado no concello de A Rúa o pasado 22 de novembro, o conselleiro Agustín Hernández, explicou que as medidas e actuacións divídense en dous grupos: as preventivas e as paliativas.

Da rede autonómica, Medio Ambiente ten identificadas as vías máis susceptibles de ter problemas de neve e xeada que en total suman 965 quilómetros. O 44% atópanse na provincia de Ourense, que conta con outros cinco centros de operacións.

O plan de viabilidades implica a posta a disposición de diferentes medios en cada provincia, como os materiais (centros operativos, reservas fundentes de sal ou salmoira e maquinaria) e medios humanos.

Hernández aproveitou a visita a Valdeorras para achegarse por primeira vez ata o parque natural da Serra da Enciña da Lastra no concello de Rubiá, un espazo onde se levan a cabo actuacións de mellora ambiental como a recuperación de especies arbóreas autóctonas. Tralo percorrido polo centro de Interpretación, acompañado entre outros polo alcalde Elías Rodríguez, o responsable de Medio Ambiente subliñou o dobre obxectivo deste programa: “protexer e conservar o medio ambiente e formar e dar a unha oportunidade laboral a aqueles que máis o necesitan para axudarlles na súa integración social”. No caso deste parque natural, os traballos realízanse para establecer medidas de prevención de incendios e tamén para e mellora do enclave.

Outra das actuacións que a Consellería ten en marcha en Rubiá é o abastecemento e saneamento de varias rúas do concello, co investimento de 130.000 euros.

Texto: O Sil/Redacción Fotos: Carlos G. Hervella

Na visita ao centro de viabilidade invernal, na Rúa./ Foto: Carlos G. Hervella
Na visita ao centro de viabilidade invernal, na Rúa./ Foto: Carlos G. Hervella

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close