Aínda quedan entradas para a XVIII Festa do Botelo do Barco

Poderanse mercar o vindeiro luns 15 de xaneiro no 3º andar do Edificio Multiusos

Moito madrugaban os primeiros en facerse co número para coller as entradas para o xantar da XVIII Festa do Botelo que se  celebrará o 20 de xaneiro. Antes das sete da mañá xa había xente facendo cola no Teatro Lauro Olmo, pero foi entre as dez e as once da mañá cando se vendía a maior parte dos 1.150 tickets postos á venda.

Os encargados foron un ano máis José María Rodríguez, pregoeiro desta edición, e o propio alcalde do Barco Alfredo García e el mesmo explica que a diferenza do ano pasado, este ano a venda desenvolveuse sen presión. “Foi todo moi organizado e o groso da cola durou uns tres cartos de hora”, di, asegurando que “afortunadamente aínda queda algunha entrada”.

Unhas 90 son as que quedan aínda dispoñibles e poranse a venda o luns día 15 a partires das 10h. no 3º andar do Edificio Multiusos do Barco.

Máis información sobre o “madrugón do Botelo” no seguinte enlace: https://www.osil.info/o-madrugon-do-botelo/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies