O novo rexedor de Trives, Domingo Diéguez González, mantiña na mañá do 16 de xaneiro unha reunión coa delegada territorial da Xunta en Ourense, Marisol Díaz Mouteira. O alcalde trivés acudía ao encontro institucional acompañado da concelleira de Cultura, María Isabel González. A delegada territorial coñeceu as súas demandas e proxectos para os próximos meses e brindoulle a “colaboración da administración autonómica co fin de lograr o progreso e benestar deste municipio ourensán”.
