A Casa Grande de Viloira (O Barco) acollía na tarde do 15 de marzo unha xuntanza de alcaldes e de empresarios da comarca de Valdeorras. O único punto da orde do día do encontro era o estudo da “Proposta de elaboración de estratexias de Desenvolvemento Rural Leader-Plan de Desenvolvemento Rural de Galicia 2014-2020”.
Na reunión participaban oito dos nove alcaldes valdeorreses: os do Barco, A Rúa, Vilamartín, Rubiá, Larouco, O Bolo, A Veiga e Carballeda de Valdeorras. Tamén asistían os representantes da Asociación de Empresarios de Valdeorras (AEVA) e do Clúster da Lousa de Galicia.
