Triunfo ourensán na oitava edición na proba de adultos da Carreira Popular do Concello de Monforte de Lemos, que se celebraba na mañá do 3 de abril nesta cidade lucense. Alejandro Fernández Rivera, do Club Adas Proinor, impoñíase cunha vantaxe de case un minuto sobre o segundo clasificado, David Santos (C.A.F. Celta), ao rematar os 7 quilómetros de percorrido cun tempo de 00:20:48. En terceiro lugar cruzaba a meta Lekhili Hassan (Ourensrunning).
Esta competición absoluta, con saída e meta da rúa Compañía, reunía a uns 320 atletas. A carreira de Monforte incluía tamén probas para categorías base.