Alejo Ares (Adas), bronce no campionato de España de 10 km ruta

Ademais os equipos masculino e feminino absoluto do club valdeorrés quedaban cuartos nesta cita nacional

O valdeorrés Alejo Ares, co bronce no podio nacional de 10 km ruta./ Foto: Club Adas.

O atletismo valdeorrés segue facendo historia e conquistando podios. Neste caso facíao ao nivel nacional, no Campionato de España de 10 km en ruta co bronce conquistado por Alejo Ares (Adas Proinor), quen rompía os pronósticos e subíase ao podio absoluto, facendo ademais a súa mellor marca persoal con 30’04”. Para o Adas trátase dun resultado “histórico”.

 

O equipo M40 do Adas, subcampión de España, no podio./ Foto: Club Adas.

 

Ademais, xunto a el puntuaban nesta cita, disputada nesta fin de semana en Iurreta Durango, os seus compañeiros Alfonso Mendoza e Pepe Márquez e iso permitíalle ao Adas lograr a cuarta posición absoluta masculina por equipos. En categoría feminina, o equipo encabezado por Sandra Mosquera acompañada por Joana Monteiro, Iría Fdez e Paula Santos tamén se situaba cuarto. Asemade na categoría M40, os veteranos do Adas conseguían o subcampionato de España.

 

Atletas do Club Adas nesta cita nacional./ Foto: Club Adas.

 

Por outra banda, Leticia Fernández Barbosa, convertíase en subcampiona de España en Milla en ruta na illa de Palma.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies