DeportesÚltima hora

Alejo Ares, Leticia Fernández e Leticia Gil, toque valdeorrés da selección galega de atletismo no nacional de federacións autonómicas

Da lista de 48 atletas convocados pola federación galega para acudir a esta competición, que se celebrará o 14 de xullo en Granollers, tamén estaba o marchador valdeorrés José Fernández, pero non poderá acudir por motivos laborais
O atleta Alejo Ares, natural de Sobradelo./ Foto: A.R.

A Federación Galega de Atletismo (FGA) vén de publicar a lista de atletas oficialmente convocados para formar parte da selección que representará a comunidade galega o vindeiro 14 de xullo en Granollers (Cataluña) no XLIII Campionato de España de federacións autonómicas.

Leticia Fernández (Adas), nunha proba./ Foto: Carlos G. Hervella.

Serán un total de 48 atletas os que representarán a Galicia nesta cita e terán “como difícil reto intentar igualar ou mellorar a excelente actuación do ano pasado na que lembramos que o equipo feminino acadaría un histórico segundo posto e un sexto no caso do masculino”, tal e como sinala a FGA.

Entre os atletas convocados hai tres relacionados con Valdeorras. É o caso de Leticia Fernández e Alejo Ares, ambos do Club Adas do Barco, que competirán nos 800 m e nos 5.000 m, respectivamente. Tamén está convocada a valdeorresa Leticia Gil (Simply Scorpio 71) para a proba de lonxitude. Tamén forma parte da lista de convocados o marchador valdeorrés José Fernández Nieves (R.C. Celta), sen embargo non poderá acudir á competición por motivos laborais.

 

A valdeorresa Leticia Gil./ Foto: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close