Alfombra vermella para estrear a curta “A mellor sopa do mundo”, no CEIP de O Bolo

Con paseo pola alfombra vermella e arcos de globos de cores, traxes de gala, flocos de millo, photocall, butacas numeradas… Coidando ata o máis mínimo de detalle, e rodeados de familiares e veciños, os alumnos do CEIP de O Bolo estreaban na mañá do 16 de maio neste colexio a curtometraxe “A mellor sopa do mundo”.

Trátase dunha produción audiovisual realizada “con técnica stop motion e protagonizada polas nosas alumnas de Educación Infantil, e que foi presentada a varios concursos e certames organizados pola Consellería de Educación”, tal e como se informa dende a dirección do centro.

 

 

O programa desta estrea, á que acudían numerosas persoas, comezaba coa recepción das actrices e “paseo da fama”, cunha sesión de photocall, seguida da recollida das entradas para ver a proxección, ademais da posibilidade de coller flocos de millo e refrescos. Xa ás 12:30h. tiña lugar a presentación e proxección da curtametraxe. O acto concluía cunha degustación de petiscos para os asistentes.

 

Fotos: CEIP de O Bolo.

 

Cartel da estrea desta curta.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies