Publicidade
En portadaGalerías de fotosÚltima hora

Algúns restaurantes do Barco reabren as portas coa entrada en vigor da Fase 2 da desescalada

Hoxe, luns 25 de maio, abriron tamén outros negocios do sector comercio e da hostalaría

 

Pouco a pouco a actividade comercial, social e hostaleira vai regresando á capital da comarca de Valdeorras. Cunha boa parte do tecido empresarial xa aberto, na mañá deste luns 25 de maio tocáballe o turno aos restaurantes que, se ben ata agora podían servir comida para levar se así o desexaban, non podían atender no interior dos locais. Non abriron todos, pero si unha boa parte dos existentes no Barco, cumprindo coas estritas medidas de seguridade e hixiene marcadas por Sanidade.

 

O restaurante San Mauro reabría hoxe ao público.

 

Ante a evolución epidemiolóxica positiva da pandemia e o oportuno cumprimento dos criterios establecidos en fases anteriores, o Goberno e as Comunidades Autónomas acordaban extender a flexibilización dalgunhas medidas en determinadas unidades territoriais, contempladas na Orde SND/414 de 16 de maio de 2020, para a “flexibilización de determinadas restriccións de ámbito nacional establecidas trala declaración do estado de alarma en aplicación da fase 2 do Plan para a transición cara unha nova normalidade”.

 

Interior de Micro Shop, unha as tendas de informática que non pechou durante o estado de alarma.

 

Nese contexto dase luz verde para reabrir ao público os establecementos de hostalaría e restauración para consumo no local, “sempre que non se supere o 40% do seu aforo” e unicamente sentado en mesa e preferentemente mediante reserva previa”. As terrazas ao aire libre manteñen a limitación ao 50% das mesas, cunha ocupación máxima de 10 persoas. Con respecto ás medidas de hixiene, a orde establece que “entre un cliente e outro deberase proceder á limpeza e desinfección do equipamento da terraza, en particular mesas e cadeiras, así como calquera outra superficie de contacto. Priorizarase a utilización de mantelerías dun só uso e deberá poñerse a disposición do público dispensadores de xeles hidroalcohólicos ou desinfectantes con acción virucida. Tamén se fomentará o pago con tarxeta evitando o uso de cartas de menú de uso común. Ademais, elementos como vaixela, cristalería, cubertería ou mantelería, deberán almacenarse en espazos pechados; eliminándose produtos de autoservizo como servilleteiros, palilleros, vinagreiras, aceiteiras, e outros utensilios similares, priorizando as monodose.

 

Interior de Javier Brasa Fotografía.

 

Con respecto ao persosal, no caso de servizos que non permitan o mantemento da distancia de seguridade interpersoal, deberá utilizar o equipo de protección adecuado ao nivel de risco que asegure tanto a súa protección como a do cliente.

Na galería de imaxes podemos ver algúns dos restaurantes e bares que recuperaban hoxe a actividade no interior dos locais, así como outros negocios da vila vinculados ao sector comercio (papelería, fotografía, electricidade, informática,…).

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close