Allariz fai balance positivo da implantación do Servizo RE para reducir lixo a través da compostaxe. Así, cinco meses despois, o municipio conta con equipos de compostaxe comunitaria e de recollida de restos de xardín, mentres que nas zonas rurais repartíronse composteiros individuais. Durante este tempo tamén se levou a cabo a construcción dunha planta específica de tratamento para a materia orgánica xerada por grandes produtores.
Ao mesmo tempo, a implantación deste serivzo veu acompañada dunha campaña informativa e formativa para os veciños e cidadáns, centradas tamén nos máis cativos con conversas nos centros educativos. “Os resultados até o momento convidan ao optimismo”, subliñan dende o Concello, apuntando a que o nivel de aceoptación entre os veciños “é alto”.
Esta iniciativa é unha máis das que pon en marcha o Concello de Allariz, que participa dende 1998 na experiencia piloto de recollida selectiva de Residuos Sólidos Urbanos (RSU). O Servizo RE é unha medida máis para minimizar o impacto da xeración dos residuos.