CulturaCulturaÚltima hora

Alonso Montero e Freixanes, entre os ponentes das xornadas “Coñece Valdeorras/ Coñece a Florencio”

Celebraranse do 15 ao 17 de novembro e incluirán conferencias sobre o poeta corgomés Florencio Delgado, música e ata unha ruta

 

Co fin de facer un novo achegamento á figura do poeta corgomés Florencio Delgado Gurriarán, do 15 ao 17 de novembro celebraranse as xornadas ” Coñece Valdeorras, coñece a Florencio”. Abriranse o vindeiro xoves día 15 na Adega A Coroa da Rúa. Nesta primeira sesión farase un pequeno percorrido pola historia da Valdeorras de preguerra, pola vida do poeta e polo labor que o Instituto de Estudios Valdeorreses levou a cabo na recuperación da súa figura. Nela contarase cos ponentes Félix García Yáñez, Elva Delgado Vázquez e Aurelio Blanco Trincado.

Na sesión do venres 16 ofrecerase unha análise do labor literario e cultural que Delgado Gurriarán desenvolveu ao longo da súa vida. Virá da man de Víctor Fernández Freixanes, catedrático de lingua e literatura galega e presidente da Real Academia Galega; Xesús Alonso Montero, catedrático de lingua e literatura española e académico da RAG; Camilo Valdehorras, catedrático e profesor da Universidade de Barcelona; e Ricardo Gurriarán Rodríguez. Doutor en historia e biógrafo do autor.

Despois, o público poderá coñecer da man de Roi Dominguez a exposición “Verbena”, unha colección de debuxos feitos con viño. Este artista tamén foi o convidado a deseñar o cartel das xornadas, feito sobre unha fotografía real do poeta na derradeira visita a Córgomo.

Este foro pecharase o sábado día 17 de novembro na Adega Santa Marta en Córgomo (Vilamartín). Nesta sesión farase unha análise da obra que deu a coñecer ao poeta, “Bebedeira”, con Xulio Pérez Veiga e Ricardo Gurriarán Rodríguez. A clausura farase cunha actuación do cantautor de Rubiá Anxo Rei, quen ten dedicado un disco ao poeta (“Fronteira de Cegoñas”) e co nomeamento do novo Irmán Maior desta Irmandade. Ángel Fernández ex-presidente do Instituto de Estudios Valdeorreses.

Como remate de todas as actividades ofreceranse varias catas de viños, nestas participarán a Adega A Coroa, Adega Roandi; Adega Eladio Santalla e a Adega Santa Marta. A máis destas actividades, tamén se prevé facer unha ruta histórica-cultural con saída de Córgomo pasando por Arcos, Portela e regresando de novo a Córgomo.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close