Cunha moi boa resposta por parte do público celebrábase na tarde do 5 de setembro a segunda edición de “Pincha e cata” no Barco. “A alta demanda fixo que as prazas se cubrisen rapidamente e que incluso houbera xente que xa non puidera participar”, segundo indican dende a Ruta do Viño de Valdeorras, organizadora da actividade.
A cata estivo dirixida pola sumiller Mercedes González, que explicou cada un dos viños relacionándoos co lugar con se ubica a adega que os elabora. En total catáronse seis viños de Córgomo (Vilamatín), Petín e A Rúa maridados con diversos petiscos. Esta actividade tiña lugar na Maltería.
Fotos: Ruta do Viño de Valdeorras.
