No día de hoxe, 8 de agosto, 33 alumnos procedentes de Estados Unidos e Canadá remataron as súas prácticas de verán no Hospital Universitario de Ourense (CHUO). Están dentro do “Programa Atlantis”, e durante a súa estancia estiveron divididos en catro grupos. “A duración media da estancia dos alumnos foi de entre tres e catro semanas na que, ademais da súa aprendizaxe no hospital, tiveron tempo de visitar varios puntos da xeografía da provincia ourensá e coñecer de primeira man a nosa riqueza cultural, paisaxística e festiva”.
A encargada de coordinar a formación dos estudiantes foi a Unidade Docente Multiprofesional de Atención Familiar e Comunitaria de Ourense. Ademais, programou a súa estadía tutelada nos diferentes servizos que os acolleron: Aparello Dixestivo, Cardioloxía, Cirurxía Xeral, Hematoloxía, Pneumoloxía, Medicina Interna, Oncoloxía, Psiquiatría, Unidade da Dor, Uroloxía e Urxencias.
Así, o obxectivo deste programa é o de intensificar as relacións entre o ámbito universitario e o ámbito sanitario e posibilitar o achegamento dos alumnos universitarios á realidade profesional e a transferencia e intercambio do coñecemento. “Está dirixido a estudantes de “Pre-Health”, curso que realizan os estudantes en Estados Unidos e Canadá antes de comenzar os seus estudos en ciencias da saúde. Os estudantes non poden realizar ningunha actividade médica, soamente poden observar, e as prácticas son de curta duración e se organizan de xeito que o estudante poda rotar por varios servizos diferentes”.
