OurenseÚltima hora

Alumnos de Maristas triunfan en Burgos no desafío Hiperbaric

Crearon empresas reais para construir un vehículo de inercia e gañan un primeiro premio en innovación e un segundo na categoría técnica

Un dos grupos de alumnos que asistiu ao desafío Hiperbaric, co seu prototipo.
Un dos grupos de alumnos que asistiu ao desafío Hiperbaric, durante a presentación do seu prototipo.

Dous grupos de alumnos do Colexio de Maristas de Ourense triunfaron esta pasada fin de semana en Burgos, no marco do desafío Hiperbaric. Trátase dun certame que busca o desenvolvemento do talento e a creatividade dos rapaces mediante o deseño, construción e prototipado dun coche de inercia.

Os estudantes tiveron que por en marcha dúas empresas para amparar os seus correspondentes proxectos e abrir a posibilidade, nun futuro, de levalos a cabo conseguindo a finaciación necesaria. Galinercia e Ourenspeed son as firmas que naceron destes dous equipos, que acadaron en Burgos moi bos resultados: primeiro premio en innovación e un segundo na categoría técnica.

No caso de Galinercia, os rapaces xa se presentaron no certame da edición de 2015, proclamándose vencedores. Nesta edición aportaron novidades e novos patrocinadores. Por outra banda, Ourenspeed debutaba con outro vehículo prototipado.

O desafío Hiperbaric contou coa participación de dez colexios de toda España. Os únicos representantes de Galicia foron os ourensáns de Maristas.

Artigos relacionados

Back to top button