En portadaGalerías de fotosÚltima hora

Amable Fernández, novo alcalde de Manzaneda

Resultaba elixido co apoio dos tres votos do PSdeG-PSOE e coas abstencións dos dous edís de Son de Manzaneda, mentres que os concelleiros do PP votaban en contra

Cambio á fronte da alcaldía de Manzaneda. O socialista Amable Fernández vén de converterse en rexedor deste municipio nunha sesión plenaria que comezaba ás nove da mañá coa constitución da nova Corporación da que forman parte 3 edís do PSdeG-PSOE, 2 de Son de Manzaneda-En Marea e 2 do PP.

Despois procedíase á votación para a elección do novo alcalde desta lexistura que agora se inicia. A votación dáballe o cargo ao candidato socialista Amable Fernández, os dous concelleiros populares votaban en contra e os dous edís de Son de Manzaneda abstíñanse.

As primeiras palabras do novo alcalde de Manzaneda eran de agradecemento para o anterior rexedor, Félix Domínguez pola correcta transición no cargo, así como para aquelas persoas que o apoiaron “antes e durante os días da campaña”. Ademais expresáballe o seu agradecemento á súa familia, parte dela presente na sesión.

Fernández amosaba a súa intención de traballar “duro polo concello para sacar adiante a gobernabilidadena medida do posible”.

Fotos: Fernando Santalla.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close