En portadaGalerías de fotosÚltima hora

Amarelante S. Cooperativa Galega, un exemplo de sustentabilidade ecolóxica e xustiza social, en Manzaneda

A conselleira do Medio Rural visitaba as instalacións durante a súa visita ao concello

Aproveitando a visita ao concello de Manzaneda para supervisar as obras na residencia da terceira idade, na mañá do 7 de agosto a conselleira do Medio Rural Ángeles Vázquez achegábase ata a nave de Amarelante S. Cooperativa Galega, convidada polo alcalde, Félix Domínguez que lle ensinaba as instalacións, explicando o proxecto que alí se desenvolve.

Durante a visita, físxose referencia ao éxito que están tendo as bicas elaboradas coa fariña que sae desta empresa, algo polo que a conselleira amosou interese, mostrando tamén preocupación pola praga do castiñeiro e desexando éxito aos cooperativistas.

A cooperativa Amarelante nacía no ano 2013 como un proxecto de recuperación de soutos en estado de abandono para a produción de castaña de calidade que se comercializa baixo o selo de Castaña de Galicia, apostando polo medio rural como medio de vida.

O proxecto consiste principalmente na explotación de soutos para o aproveitamento comercial dos produtos agroalimentarios del derivados, principalmente castaña, a través dun modelo de xestión centrado no “aluger/cesión dos soutos de propietarios da zona, co obxecto de realizar os traballos necesarios para a súa posta en produción”, explican dende Amarelante.

Ata o ano 2015 é productora e comercilizadora de castaña fresca, a partir deste ano a cooperativa avanza un paso máis para comezar o proceso de transformación e agora produden castaña fresca de diferentes variedades galegas pero principalmente, Amarelante, de aí no nome da Cooperativa; fariña de castaña; e castaña seca.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close