DeportesGalerías de fotosÚltima hora

Amigos, familiares e ex alumnos homenaxean ao karateka Nicolás Rodríguez

O mestre era sorprendido en Valdeorras cunha cea-festa tras conseguir o sexto DAN

 

Nicolás Rodríguez é un dos pioneiros do karate en Valdeorras. Sempre está de broma, animando a todo o mundo, e non resulta doado de sorprender. Por iso os seus amigos e familiares tiveron que argallar un complexo plan para organizar unha festa de celebración pola súa longa traxectoria e a consecución do 6º DAN (é o único ourensán que actualmente ten este grao). Unha homenaxe que comezaba a fraguarse hai meses e que se materializaba na noite do 26 de decembro no Restaurante Paladium, en Vilamartín de Valdeorras.

 

Nicolás Rodríguez, 6º DAN.

 

Como cada Nadal, o karateka natural de San Paio (Petín) pensaba que ía cear cun pequeno grupo de ex alumnos, amigos e familiares pero en realidade eran case 90 as persoas que agardaban por el nun dos salóns do establecemento. Xente de Ourense, Madrid, Ribadavia, Ferrol, Pontevedra, A Coruña, El Bierzo,… que non quixeron perder a oportunidade de saudar ao mestre e compartir con el a velada.

Foi tan coidadosa a organización do evento que Nicolás non sospeitaba nada e despois da primeira impresión, desfrutou da noite asegurando que “é un orgullo saber que hai xente que me aprecia e me quere”. Unha noite de reencontros, cargada de abrazos, sorrisos, agasallos e algunha que outra bágoa, que comezaba co saúdo OSS dos karatekas presentes (ex alumnos e alumnos de Nico) ao Sensei, e continuaba coa proxección dun vídeo e a entrega, por parte do mestre Fran (7º DAN), do cinto branco e vermello así como dunha placa conmemoratica e dunha tarxeta asinada por todos. De seguido comezaba a cea que se estendía ata altas horas.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close