PolíticaÚltima hora

Ana M. Rodríguez, candidata socialista á alcaldía de Maceda

Lidera unha candidatura renovada nun 50% con respecto ás pasadas eleccións municipais
Membros da candidatura coa que o partido socialista se presentará ás eleccións municipais en Maceda.
Membros da candidatura coa que o partido socialista se presentará ás eleccións municipais en Maceda.

A lista coa que o PSdG-PSOE concurrirá ás eleccións municipais do vindeiro 24 de maio en Maceda decidíase na tarde do 8 de febreiro. A Agrupación Municipal Socialista desta localidade ourensá celebraba unha asemblea extraordinaria na que a proposta de candidatura para estes comicios da executiva local resultaba ratificada por unanimidade polos militantes así como polos simpatizantes asistentes.

A actual concelleira Ana María Rodríguez Blanco encabeza unha lista de “alternancia muller-home, na que se incorporan 2 membros de Xuventudes socialistas e 4 mulleres. Trátase de unha candidatura renovada nun 50%, representante da unión interxeracional da agrupación. Homes e mulleres con formación e ilusión”, segundo se informa dende a agrupación socialista de Maceda.

O labor máis inmediado dos membros desta candidatura será, segundo adiantan, recoller de veciños/as as súas propostas. “O obxectivo, a confianza para mellorar o benestar e progreso da maioría da veciñanza de Maceda. Confianza que baseamos no rexeitamento do uso do Concello para promoción persoal, de interese privada, e na defensa da transparencia e desenvolvemento dos servizos sociais e de dinamización económica”, sinala a candidata á alcaldía, Ana María Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close