Esta camiñata, con fins benéficos, terá lugar o vindeiro 20 de xullo e partirá da praza barquense de San Mauro
Baixo o lema “Todos camiñamos con Sheila” desenvolverase o vindeiro 20 de xullo unha andaina solidaria de apoio a esta nena valdeorresa. Terá como punto de partida a praza barquense de San Mauro a partires das 9:30h. O custe da inscrición será de 3 euros, pero no caso dos menores de cinco anos será gratuíta. Ao longo do percorrido, segundo se anuncia no seu cartaz, haberá sorpresas para os participantes máis pequenos.
Esta actividade benéfica enmárcase na campaña de actos que está a desenvolver a entidade Tapóns de Valde para recaudar fondos co fin de poder mercarlle un andador (o NF Walker) a Sheila, unha nena do Barco que sufre unha parálese cerebral.