DeportesÚltima hora

Andaina nocturna a San Mamede para ver as Perseidas, o 9 de agosto

Esta actividade está organizada polo Concello de Vilar de Barrio

O Concello de Vilar de Barrio organiza unha andaina noctura á Serra de San Mamede para ver as Perseidas. Esta actividade sesrá o vindeiro venres, día 9 de agosto.

 

 

 

Cartaz da actividade.

 

O Concello, lanzou o pasado mes de xullo o programa “Un verán na Serra” que combinaba actividades lúdicas, deportivas e de ocio, co inicio dun programa de investigación “que sirva para explorar as potencialidades da Serra de San Mamede como motor de desenvolvemento local futuro”, sentencia o alcalde, Manuel Conde.

No marco deste programa realizáronse nas últimas semanas diferentes obradoiros da memoria nas aldeas de Rebordechau, Prado, Porto e Arnuide. Centos de persoas achegáronse a estes encontros para realizar unha primeira cartografía dos problemas da Serra, as súas oportunidades e ameazas.

Así, o inicio destas actividades do día 9, será ás 18:00 horas e terá como punto de encontro o Local Social de Rebordechao, para ás 18:30 horas comezar a andaina. Ás 21:30 horas terá lugar a cena e ás 22:30 horas os participantes realizarán unha observación astronómica. Ás 00:00 horas baixaráse en vehículos 4×4.

“Queremos lanzar unha oferta de actividades lúdicas propias do verán. A primeira o próximo venres 9 de agosto convidando a todo o mundo a gozar das fermosas Bágoas de San Lourenzo a máis de 1600 metros sobre o nivel do mar”, apuntaba o alcalde de Vilar de Barrio, Manuel Conde.

Artigos relacionados

Back to top button