ConcellosÚltima hora

Andaina, obradoiro de pintura e música na “Festa das Letras” en Trives

O acto central terá lugar ás 18:30h. cun festival no Auditorio Julio Vázquez da vila
Participantes nunha andaina anterior celebrada en Trives.

Cunha ruta de sendeirismo familiar, co nome “Camiñando pola Lingua”, comezará o 17 de maio, Día das Letras Galegas en Trives. Terá a súa saída diante de Santa Leonor ás 10:30h. Será un camiño apto para grandes e pequenos de arredor de 4 km e no que se renderá unha homenaxe especial a Carlos Casares, autor homenaxeado nesta edición. Así, ao longo do traxecto, os participantes deberán ir atentos ao camiño recollendo letras que se atoparán entre a natureza e ao final da ruta lle servirán para un gran mural.

Xa arredor das 12:30h, no parque da Praza de Abastos chegará o momento máis artístico da mañá, un obradoiro de pintura onde todos xuntos, nenos e maiores, colaborarán pintando un muro “con algunhas das máis fermosas palabras en galego; un muro onde Carlos Casares tamén quedará moi presente”, segundo se adianta dende o Concello. “Con esta actividade pretendemos seguir mimando día a día a nosa lingua e que sirva de dinamización lingüística, así como de defensa e promoción do idioma na sociedade en xeral”.

A programación das Letras Galegas en Trives continuará pola tarde. Ás 18:30h no Auditorio Julio Vázquez comezará un acto de “Música e Baile” no que os asistentes poderán achegarse á vida e obra de Carlos Casares, ademais actuarán as mulleres de Trives co video “Linguaxe popular trivesa” e tamén haberá  interpretación de cancións galegas. Asemade os nenos da Comarca de Terras de Trives terán un recital de cantigas e baile tradicional galego.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close