En portadaGalerías de fotosSociedadeÚltima hora

Animado “Día do Orgullo Canino” en Vilamartín de Valdeorras

Unha docena de cans reuníanse no campo de fútbol na tarde do 7 de setembro

Co obxectivo de redacar fondos e ao mesmo tempo concienciar á poboación da importancia de coidar aos animais (neste caso concreto ao cans), nacía o “Día do Orgullo Canino”. Unha iniciativa da protectora valdeorresa Peludines Callejeros que este ano chegaba á II edición.

A festa canina celebrábase na tarde do 7 de setembro no campo de fútbol de Vilamartín onde se reunían unha docena de cans de diferentes razas e tamaños. Tal como explica Pilar, unha das voluntarias que colaborou na organización do evento, “trátase de conseguir cartos para a protectora e que mellor que facelo cunha tarde convivencia e unha festa”.

Por iso, o acto principal da tarde era a batalla con polvos Holi que a organización entregaba nunha bolsiña aos donos dos cans asistentes, xunto a unha gafas e unha pulseira, por 5 euros que custaba a entrada (10 euros con camiseta). Ademais, Florecilla Silvestre deseñaba un photocall no que fotografarse con Pipo, un can que daba bicos.

Antes da batalla, o presidente da protectora, Jorge, daba unha charla para concienciar á xente de que non abandone aos cans, agradecendo a colaboración dos comercios de Valdeorras que fixeron posible o evento.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close