Un mundo de maxia e ilusión. O mundo soñado, sen guerras, sen enfermidades, sen pobreza,… É a historia sobre a que se asenta o espectáculo, creado por alumnas e profesora, co que a academia de danza Bayadère pecha este curso académico.
O IV festival de fin de curso desenvolvíase na tarde do 27 de xuño no Teatro Lauro Olmo onde, diante do numeroso público, con coidadas coreografías e impecable vestiario, as alumnas amosaban toda a súa arte. Dende as máis pequeniñas de iniciación á danza e pre-danza, pasando polos diferentes niveis tanto de baile clásico como moderno, todas tiveron o seu momento, arrrancando sonoros aplausos e vítores. Por algo a profesora non pode estar máis orgullosa delas.
Quen queira ver o espectáculo ao completo e non pudera asistir nesta primeira sesión, terá unha nova oportunidade esta tarde, á mesma hora e no mesmo lugar (20:30h. no TLO), cun segundo pase. A entrada anticipada custa 2 euros e en taquilla, 3 euros.
Fotos cedidas.