Cinco agrupacións participaban no percorrido musical celebrado na noite do 15 de febreiro
Cinco covas da zona do cemiterio e cinco agrupacións musicais de Valdeorras e das Terras de Trives. Son os participantes nos Cantos de Taberna celebrados no concello de Vilamartín na noite do 15 de febreiro. A ruta comezaba no bar Santos e os grupos ían tocando polas diferentes covas rotando cada media hora.
Tal como explican dende o Concello, vendéronse unhas 60 entradas e entre as agrupacións participantes estaban As Macizas Centrais de Trives.
Mañá, sábado 16 de febreiro, Vilamartín volverá encherse de xente. Nesa ocasión para participar no desfile de folións e na II edición da Festa das Sopas de Allo, a partires das 17h.
Fotos: Concello de Vilamartín.