SanidadeÚltima hora

Antía Fernández: “O leite materno é un fluído vivo e imposible de copiar”

Esta enfermeira e nai impartía unha charla dentro da VII Semana da Lactación Materna do Barco

 

A lactancia é algo totalmente natural, pero que na sociedade occidental vese como algo raro e mesmo con certo temor. “É que, ¿é tan difícil amamantar?”, preguntábase a enfermeira e nai barquense Antía Fernández Gómez ao inicio da charla “Mitos e realidades sobre a lactación materna”, que impartía na tarde do 10 de outubro no marco da VII Semana da Lactación Materna do Barco, que promove a Asociación De Nai a Nai.

Na conferencia esta enfermeira destacaba a singularidade e valor do leite materno que “é un fluído vivo e imposible de copiar, que varía ao longo do tempo e que en cada toma é diferente”. Tamén indicaba que o primeiro leite que sae do peito é o calostro, que “é de fácil dixestión, contén altos niveis de anticorpos, posúe efecto laxante (meconio) e contén proteínas, vitaminas e minerais”.

Antía Fernández resaltaba que “o 90% dos problemas que se dan na lactancia débense a un mal agarre” e, seguidamente, aportaba os indicadores dun do agarre, así como a importancia de atender aos sinais temperás que indican que o bebé ten fame, “sempre hai que facerlles caso”.

E, ademais, detallaba os problemas dun mal agarre na lactancia, como poden ser as fisuras, a dor, un baleirado insuficiente do peito, etc. Explicando seguidamente como actuar ante eles.

Por outa banda, tamén explicaba e amosaba, entre outras cuestións, cales son as posturas para realizar , tanto sentada como deitada, unha adecuada lactancia.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close