Galerías de fotosOurenseÚltima hora

Antonio e Gumersinda casan nas Eiroás grazas ao “sí” do pobo

Ao terse visto no palleiro, o párroco non quería casalos, polo que Puigdemont propuxo facer un referéndum

Día grande nas Eiroás, Ourense, onde a gran voda da Pita de Antonio e Gumersinda celebrouse neste martes, 13 de febreiro. Un acto marcado por unha forte sátira política na que non faltou o alcalde de Ourense, Jesús Vázquez, e o presidente da Deputación, Manuel Baltar, ambos os dous pelexando por veres quen presentaba o mellor Entroido. Asemade, tamén serviu como acto protesta polas subvencións directas que entregaba o Concello aos Entroidos nos barrios e que, agora, teñen que solicitala e agardar a que lla concedan días despois das celebracións das festas.

Pero o convidado estrela foi o ex presidente da Generalitat de Catalunya, Puigdemont, que veu ás Eiroás “porque independizouse antes ca Catalunya”. A voda parece que transcorría con normalidade até que Antonio e Gumersinda aseguraron que se tiveran visto “no palleiro”, algo que non lle gustou moito ao párroco que negouse a casalos. Pero Puigdemont propuxo realizar un referendo para que o pobo votase se querían que se realizase o casamento ou non. Todo isto cunha monxa que non paraba de facerlle as beiras a todo o que pasaba.

Aínda que estaba a punto de celebrarse o referendo, apareceu o inimigo de Puigdemont, Mariano Rajoy que, vestido coa súa roupa deportiva de andar rápido, e co 155 por bandeira, intentou frear ese referendo, pero non o conseguiu. Finalmente o pobo falou e celebrouse o casamento pero, Gumersinda fixo un anuncio moi importante, sacando un cartel de “República en xestancia”, iso quería dicir que estaba preñada! Outro escándalo que azoutou este casamento.

Pero non foi o único xa que, como marca a tradición deste lugar, a comida dun casamento de viúvos págaa o pobo, pero o viño o paga o noivo, que se negou a facelo. Finalmente, tivo que vir a Garda Civil a arranxar o asunto e, para sorpresa de todos, un dos axentes acabou facéndolle as beiras á monxa, que remataron xuntos. En definitiva, o que soe pasar nas vodas, que sempre se liga.

Fotos e texto: Carlos Asensio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close