Antonio Orozco, Bustamante ou Coti entre as propostas musicais do Auditorio Municipal de Ourense

Os artistas ourensáns tamén terán o seu espazo nunha programación que inclúe a MITEU e o concerto de homenaxe á Coral de Ruada no ano do seu centenario

O cantante Antonio Orozco actuará no Auditorio de Ourense.

David Bustamante, Antonio Orozco, Coti ou Pablo Milanés, no panorama musical, así como o monologuista Enrique San Francisco, son algúns dos nomes que pasarán, durante o primeiro semestre do ano, polo Auditorio Municipal de Ourense. A oferta cultural deste espazo, “un dos máis activos e dinamizadores da vida cultural desta cidade”, en palabras do alcalde de Ourense, Jesús Vázquez, contempla actividades “para todos os públicos, todos os gustos e sensibilidades”, afirmou o rexedor.

Entre os máis de 60 espectáculos previstos, moitos levan o selo ourensán, como a bailarina Nuria Sotelo con A Gala (14 de febreiro, 20:30 horas) ou o cómico Moncho Borrajo co seu novo espectáculo, Borrajo perdido (16 de febreiro, 20:30 horas). Pechará a oferta desta fin de semana o espectáculo para público infantil Facendo o indio, dos Galitoon (domingo 17 ás 12 horas). Outros nomes recoñecidos na cidade das Burgas para esta primeira parte da tempada son os da cantante Silvia Alonso, que volve con Steps; a dramaturxia de Tito Asorey e Melania Cruz con O empapelado amarelo; unha nova edición da MITEU, do 29 de abril ao 10 de maio, ou o concerto de homenaxe á Coral de Ruada, no ano do seu centenario.

Coti actuará o 30 de marzo presentando Cercanías e Confidencias, Bustamante o 5 de abril e Antonio Orozco o 12 de maio.

Toda a axenda cultural do Auditorio, en www.ourensecultura.com.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies