En portadaGalerías de fotosÚltima hora

Ao ritmo das charangas, entre degustacións e descontos, nunha exitosa Noite Branca no Barco

Un total de 30 comercios e catro establecementos de hostalaría da vila participaban nesta iniciativa promovida polo Barco Centro Comercial Aberto (CCA)

Na tarde e noite deste venres 21 de xuño o comercio convertía as rúas do Barco nunha auténtica festa coa “VI Noite Branca”. Un total de 30 tendas e catro establecementos de hostalaría participaban nesta singular iniciativa que busca “animar o comercio local” a través diversas actividades, tal e como lembraba na súa apertura, ás oito da tarde, a vicepresidenta do Barco Centro Comercial Aberto, Ángeles Rodríguez.

 

 

Actividades como a danza, da man das alumnas da Academia Bayadère (que podía desfrutarse na praza do Concello) ou a música e animación das charangas Fuego e Támega que, de xeito incesante dende as oito da tarde á medianoite percorrían as rúas da vila. Mentres tanto, numerosas persoas visitaban os comercios da campaña nos que eran recibidas con diversas degustacións como froitas, doces, distintas bebidas e mesmo flocos de millo e “perritos calientes”. Ademais as tendas ofrecían descontos de ata un 20% en produtos de tempada.

 

Ao mesmo tempo, aqueles que decidían facer unha paradiña para descansar e tomarse algo podían saborear un pincho especial gratis no Divino Paseo, Piquiño, Bajo 5 e La Maltería. En definitiva, unha intensa e moi participativa sexta “Noite Branca” que resultaba un éxito.

Fotos: Carlos G. Hervella.

Máis información e fotos:
https://www.osil.info/danza-e-musica-na-apertura-da-vi-noite-branca-do-barco/

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close