En portada

Ao son das gaitas, nos cumes de Cabeza de Manzaneda

O 25 e 26 de xullo celebrarase no VI Certame Celtibérico de Bandas de Gaitas “Memorial Gabino García” , organizado polo Concello de Manzaneda
A Banda de Gaitas de Manzaneda durante a ofrenda floral diante do busto de Gabino García./ Foto: Carlos G. Hervella.
A Banda de Gaitas de Manzaneda durante a ofrenda floral diante do busto de Gabino García./ Foto: Carlos G. Hervella.

Actividades coas novas tecnoloxías, deportivas, lúdicas e culturais, cursos de natación, xornadas de voluntariado ambiental e musicais. Son algunhas das propostas do Concello de Manzaneda de cara ao mes de xullo, un mes que se pechará por todo o alto os días 25 e 26 de xullo en Cabeza de Manzaneda. Alí celebrarase unha nova edición do Certame Celtibérico de Bandas de Gaitas “Memorial Gabino García” , que inclúe o 26 de xullo unha ofrenda floral diante do busto do que fora alcalde de Manzaneda e promotor do certame de bandas de gaitas na estación de montaña, así como a actuación de diferentes bandas.

Con todo, os actos en torno á música tradicional comezarán xa o sábado 25 de xullo pola noite “entre os piñeiros” adianta Xosé Lois Foxo, director da Escola de Gaitas da Deputación de Ourense e un dos promotores da actividade. “Este ano queremos darlle un pouco máis de forza e tentaremos que a Noite Celta de Manzaneda sexa unha continuidade do Encontro Internacional de Gaiteiros que se celebra en Monterrei e Ourense” di Foxo, adiantando que para iso contarán coa presenza de gaiteiros de Portugal, de Asturias e de diferentes puntos de Galicia, “tamén da Banda de Gaitas do Centro Galego de Navarra”, entre outras.

E xa o domingo pola mañá, a festa da gaita nos cumios de Manzaneda comezará en torno ás once da mañá co certame de gaiteiros solistas e, a partires das doce, o Certame Celtibérico de Bandas de Gaitas no que participarán en torno a quince agrupacións de Galicia e doutros lugares da Península como Zamora ou Lubián “calculamos que se xuntarán entre douscentos e trescentos gaiteiros” di Foxo.

Este evento será organizado polo Concello de Manzaneda coa colaboración da Xunta de Galicia e Oca Nova Manzaneda, e promovido pola Deputación de Ourense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close