En portadaÚltima hora

Aparecen niños secundarios de velutina en Petín e Vilamartín

Un deles está en Freixido de Abaixo e o outro moi preto de Valencia do Sil

A caída da folla está deixando ao descuberto, tal e como xa se esperaba, máis niños secundarios de Vespa velutina na comarca de Valdeorras neste outono. É o caso do que acaba de aparecer na zona de Freixido de Abaixo (Petín), nas proximidades da estrada OU-533 (A Rúa-A Gudiña) no segundo desvío a Freixido. Xa se deu aviso ao 012 para que interveña. Está situado no alto dun chopo.

 

Niño de velutina no alto dun chopo en Freixido./ Foto: Carlos G. Hervella.

 

Outra imaxe do niño secundario de velutina en Freixido./ Foto cedida.

 

 

Ademais na xornada do 25 de novembro descubríase outro niño secundario de velutina no lugar de Santiago, en Valencia do Sil (Vilamartín). Trátase dun niño de grandes dimensións e está tamén na parte alta dunha árbore, pero neste caso dun castiñeiro.

Dende a Asociación Valdeorresa de Apicultores  o seu presidente, Armando Rodríguez, destaca a importancia de avisar se se localizan niños deste tipo xa que este é o momento no que as raíñas de velutina saen, fecúndanse e van hibernar e van dar lugar, así, a novos niños no seguinte ano. “Dun niño grande poden saír ata cen raíñas por iso é moi importante interrumpir ese ciclo e evitar que se estenda con rapidez. Pode que aínda non sexa tarde, por iso é fundamental a concienciación e colaboración dos cidadáns ante esta problemática”.

As fotos da galería son do niño de Freixido (fotos: Carlos G. Hervella).

 

Niño secundario de velutina localizado en Santiago (Valencia do Sil. Vilamartín)./ Foto cedida.

 

Outra imaxe deste niño, situado nun castiñeiro./ Foto cedida.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close