ConcellosÚltima hora

Aprobación de facturas no derradeiro pleno do Barco desta lexislatura

O importe total das mesmas ascendía a máis de 415.000 euros

 

Aurentino Alonso, presidindo o pleno barquense./ Foto: A.R.

A Corporación barquense reuníase por última vez nesta lexislatura na tarde do 6 de xuño nunha sesión ordinaria presidida polo tenente de alcalde, Aurentino Alonso, ao encontrarse o rexedor, Alfredo García, convalecente. A orde do día incluía dous ditames da Comisión Informativa de contas relativos ao levantamento de reparo e aprobación de facturas nun caso por valor de 263.472 euros e no outro por importe de duns 152.000 euros.

Ambos puntos foron aprobados cos nove votos a favor do PSdeG-PSOE e coa abstención dos seis concelleiros do PP, nunha sesión na que non estaba o único edil de Riada Cidadá.

Ademais presentábase unha aprobación inicial de suplemento de crédito destinado á aportación que o Concello do Barco debe realizar en dúas obras. Unha delas é a urbanización da rúa Ferrol (incluída dentro dos plans provinciais da Deputación e que supón un orzamento total de 54.500 euros) na que o Concello do Barco colaborará coa dirección de obra e coa coordinación de seguridade e saúde, o que supón uns 40.000 euros.

Por outra banda, na actuación de mellora do Camiño do Castro á estrada de Vilanova (duns 55.000 euros), que forma parte das obras do Agader, o Concello do Barco achegará uns 14.900 euros para redacción de proxecto, dirección de obra e coordinación de seguridade e saúde. Este punto resultaba aprobado por unanimidade.

 

Outro dos momentos do pleno do 6 de xuño./ Foto: A.R.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close