DeportesÚltima hora

O árbitro internacional Mateu Lahoz, o Barça e o Depor colaboran coa “Gran Festa do Futbol Sala” de San Xoán de Río

O evento solidario celebrarase o vindeiro sábado 30 de decembro a partires das cinco da tarde
Camisetas, polos e medias cedidas por Mateu Lahoz.

Antonio Miguel Mateu Lahoz, o único árbitro español que estará presente no vindeiro Mundial de Rusia, foi o último en sumarse á “Gran Festa do Fútbol Sala” que terá lugaro vindeiro sábado 30 de decembro ás 17h. no polideportivo de San Xoán de Río. Así o aseguran dende a Asociación Cultural RíoMola, organizadora do evento deportivo-solidario, explicando que Mateu Lahoz “o considerado mellor árbitro español en primeira división” enviou á organización deste evento, tres camisetas oficiais e asinadas de árbitro na Champions League, Europa League e Liga Española, así como dous polos da Federación Española de Fútbol e varios lotes de medias para sortear entre todos os participantes.

Por outra banda o FC Barcelona, a través da “Fundació FCB” tamén quixo estar presente neste evento solidario enviando para a ocasión dúas camisetas oficiais e dúas gorras da súa fundación. O Real Club Deportivo de la Coruña será outro dos principais colaboradores donando catro entradas para o partido Deportivo-Valencia C.F. que terá lugar no estadio de Riazor o sábado 13 de xaneiro de 2018 ás 20:45h.

 

Agasallos cedidos polo FC Barcelona.

Outros clubes coma o Real Madrid ou o Celta de Vigo confirmaron a súa colaboración nesta festa da solidaridade organizada pola AC RíoMola e o concello de San Xoán de Río dentro da campaña solidaria RioSolidaRio, na que cada asistente, tanto xogadores coma espectadores, deberá aportar un mínimo de 1 kg de alimentos non perecedoiros para acceder ao recinto. A AC RíoMola entregará unha rifa por cada quilo de alimentos entregados para participar no sorteo dos premios donados polos colaboradores.  

Dende a organización tamén informan de que dende o 26 de decembro e ata o sábado día 30 permanecerán instalados os tres puntos físicos de recollida de alimentos en San Xoán de Río: un no Concello, outro no supermercado da localidade e o último na tenda da Itas. 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close