Os veciños desta localidade vilamartinesa sacaban en procesión ao seu patrón no mediodía do 10 de agosto
Malia que os cultos na honra de San Lourenzo comezaban en Arcos xa o 1 de agosto coa novena, o acto central desta celebración tiña lugar no mediodía do 10 de agosto, coa procesión da imaxe deste santo polas rúas deste pobo vilamartinés. Comezaba ás 12:30h., seguida pola misa.
Os actos festivos continuarán pola tarde con xogos infantís e un partido de fútbol, así como coa actuación do grupo Limón. Os festexos continuarán con novas actividades o 11 de agosto, entre eles figura unha representación do grupo de teatro de Arcos.
Fotos: Carlos G. Hervella.