Quedaba nun susto e non había que lamentar danos persoais. Ante as lapas orixinadas en torno ás 10:30h. do 1 de marzo nun dos ordenadores da Gardaría Municipal do Barco, o seu persoal avisaba aos servivos de emerxencias. Ata este centro educativo, situado na rúa Florencio D. Gurriarán, acudían membros do GES Valdeorras e da Policía Local, segundo informa o 112 Galicia.
Os axentes da Policía Local procedían a evacuar a aula e trasladaban aos cativos a outra aula mentres os efectivos do GES de Valdeorras extinguían o lume e revisaban a instalación eléctrica, tras producirse un segundo lume noutro ordenador.
“Foi o persoal do centro quen telefonou ao 112 Galicia para pedir axuda. Desde ese momento, o persoal do CIAE puxo en marcha un operativo que completaron os efectivos do 061-Urxencias Sanitarias, que foron informados de forma preventiva”, tal e como informa o 112 Galicia.
