En torno ás cinco da tarde do 27 de xullo producíase un incendio nun cadro eléctrico, situado nas proximidades da Casa Consistorial de Petín, deixando queimada a caixa por completo. Nesta zona do municipio, que nestes días celebra as súas festas patronais, había numerosas atraccións, pero no momento do incidente estaba todo apagado, descoñecéndose por agora o motivo do incendio.
Ata o lugar do suceso desprazábanse o GES Valdeorras, os bombeiros, Protección Civil de Petín e tamén a Garda Civil. O incendio deixou sen luz á vila, pero pouco despois xa estaban traballando na reparación desta avaría os técnicos de Anpema e agora está restablecido o servizo de electricidade.
Fotos: Carlos G. Hervella.