Rozando as 12h. deste luns 18 de outubro mobilizábanse os servizos de emerxencias ante un incendio que se producía nun cadro eléctrico no Polígono Industrial da Raña no Barco. Ata o lugar do suceso desprazábanse de inmediato os bombeiros do Grupo de Emerxencias Supramunicipal (GES) Valdeorras, os do parque comarcal e a Policía Local do Barco.
Cando chegaron os efectivos de emerxencias, o incendio xa fora sofocado cun extintor.
