Arredor das 22:45h. da noite do pasado domingo 2 de febreiro producíase un incendio na parte alta da localidade de San Vicente de Leira (Vilamartín de Valdeorras), coñecida como Os Chelos. Ardía un galpón con diversos enseres no seu interior.
Ata alí se desprazaban de inmediato os membros do GES Valdeorras, os Bombeiros do parque comarcal e a Garda Civil. A intervención finalizaba sobre as tres da madrugada e como consecuencia do lume ardía por completo a estrutura e o tellado de madeira do galpón.
Os vehículos de emerxencia tiveron dificultades para poder acceder a esta localidade, dada a complicada situación na que se encontra o seu acceso.
