Rozando as 21h. desta tarde producíase un incendio nunha antiga nave industrial situada na avenida Santiago Melo Pisón do Barco, nunha zona moi próxima a vivendas. Trátase dunha das naves que antigamente formaban parte do que era Talleres Meleiro e que actualmente, ao parecer, non tiña uso.
Ata o lugar do suceso desprazábanse de inmediato os bombeiros do GES Valdeorras, os bombeiros do parque comarcal e tamén bombeiros forestais, así como a Policía Local do Barco, a Garda Civil e Protección Civil. Segundo as primeiras informacións, non hai que lamentar ningún dano persoal.
Foto e vídeo cedidos: https://www.youtube.com/shorts/pbiCfnkbCoU