OurenseÚltima hora

Arden dúas casas habitadas en Ourense

 

Arredor das 15:30h. desta tarde de 11 de novembro declarábase un incendio que afectaba a dúas vivendas pareadas e habitadas na zona da Regata, cerca de Bamio (Ourense). “Decontado, desde o CIAE pasouse aviso a Urxencias Sanitarias de Galicia-061, aos Bombeiros de Ourense, á Policía Local e tamén aos membros de Protección Civil da localidade”, tal e como se informa dende o 112 Galicia.

Unha vez no lugar dos feitos, os servizos de emerxencia procederon a atallar as lapas e confirmaron que unha persoa necesitou ser evacuada en ambulancia ata o centro hospitalario de referencia, segundo o 112.

Despois dun arduo traballo por parte de Bombeiros e Policía Local, o incendio quedaba controlado ás 18:15 horas, segundo se informa dende o Concello de Ourense. Á zona achegáronse a concelleira de Seguridade, María Dibuja, e o concelleiro de Infraestruturas, Miguel Caride.

“Custoulles moito aos bombeiros atallar o lume porque todos os tellados e moitas das fiestras eran todas de madeira. Foi un traballo arduo por parte dos bombeiros e da Policía Local, que levan aquí toda a tarde traballando de maneira incansable”, explicaba a concelleira de Seguridade, que confirmaba que hai dúas familias afectadas. O Concello xestiona o seu aloxamento en hotel aos propietarios afectados e mañá poranse en contacto con elas os servizos sociais.

Fotos cedidas.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close